美食@我家

得到大家厚愛，不嚴我家密集，滿地都是子曦的玩具，一行5人上星期日山長水遠來到我家，每人自備一两款美食，相聚、傾計、談天，快快又過了一整天了，下次可以一齊整嘢食，玩下焙餅都得呀！

 

亦好多謝♡♡Katherine♡♡ 全程幫我照顧子曦，同他玩，下午沒有瞓過的他，玩得特別高興，而且今天主角亦是他，最初一見到咁多靚姐姐，唔肯比她們入屋，還發揮樹熊本色，真係以為我係一棵樹呢？後來開始玩，又收禮物，真的，小朋友有糖、玩具就真係連啊媽都唔認得啦！而且笑容滿面，每一刻都未停過，今天，他拿了滿分啦！

我們今天有Cindy 、sweet Irene、※※FUN※※PUCCA※※、 Cindy (U.U)...zzz 、♡♡Katherine♡♡ ，再一次相聚，特別興奮。

 

介紹下大家的美食。

 

人人都大讚的Cindy(U.U)...zzz媽媽出品「糖醋骨」，真係非常好味，下次可以自己整，因為子曦爸食了一塊都話好味呀！

 

 

Cindy的紅豆糕，好滑，好有紅豆味，還帶來一盒草莓，好甜呀！還有藍莓鬆餅添。

 

Irene的17小時椰絲吐司，真係好軟身，好好味，留了三塊今天當早餐，還好軟身呀！

FUNPUCCA的藍莓、朱古力鬆餅，好飽食唔落，留了第二天下午茶。

 

 

柏琪 雖然因事沒有來，但都為我們預備了米通脆脆條。

 

我的預備，希望你們喜歡啦！

買回來的法包、煙三文魚(两食)、雜菜沙律配橄欖意大利醬汁。

及日式抹茶豆腐布甸。

 

 

子曦這天四萬咁口，亦成為了小Model呀！

Katherine還買了两條餅乾來，還幫手、幫口食，如果唔係都食唔晒呀！