第一次出車

上星期日完了崇拜後回家放底些重擔後，與子曦及子曦爸一齊去單車徑放人仔，當子曦知道可以將這部放响家中一年多的hello kitty粉紅戰車駛落街時，真係「ki ki 聲」笑咗出來，見他好開心，到了單車徑，子曦見到好多小朋友都有開車，他就不停同那些小朋友講，「同你一樣呀！同你一樣呀！」

子曦不但pat pat不離粉紅戰車，而且重不被我們幫他推添，第一次駛車又點可以懂得自己駛呢？唯有在不經意下幫他一把啦！所以行得好慢、好慢。這天足足玩了成2個多小時，期間都有食下午茶，最後子曦都無精神了，因到了午睡時間，但他都不放棄，pat pat都係坐响粉紅戰車上，我們唯有同他講，「嗱！你坐响度，我們推你啦！」終放我們用正常的步伐快快回家啦！

回到家中，他比以前更愛這部車，因為知道可以落街玩啦！大家有無想過，點解子曦部車會是hello kitty，重要是粉紅色呢？

哈……唔係亞媽的所為，而是子曦一歲生日的時候，有位嫂嫂一定要送部車仔比他，但買時無叮噹，個推銷員講，小朋友咩都無所謂啦！就係咁，呢部車遲遲都唔想帶落街囉！