☆鳳梨卷☆(菠蘿卷Pineapple Rolls)
家中買咗個鳳梨已經一個星期，因病了，等到個鳳梨都變熟了，但又未從柏琪手中取得個鳳梨模，唯有繼續等囉，點知上次到蠍家時，認識了catfood.com，食過她帶來的鳳梨卷，雖然鳳梨餡是現成的鳳梨蓉，但都好好食，有她教路的食譜及用一個唧咀就做到了。
所以回家後，找一日先做好個鳳梨餡，因已經買了一個鳳梨，唯有嘗試下自己炒啦！成日心諗，要跟mommy dearest咁，炒成2-3個鐘，先可以用，見到都有啲怕怕呀！但都無計，要開工了。但原來比想像中快好多，只是用了一個小時就已經炒乾身了，好快又方便，而且比起現成的鳳梨餡好有鳳梨味，好有肉感，食落帶有鮮味的甜呀！
但昨天開工做皮時，心諗，都應該好容易呀！但用唧袋及唧咀時就感到好頭暈，唧袋不停爆，唧唧下啲皮又開始溶，雪返又唧唔到，唉……放棄啦！做了十粒就收手，打比柏琪取模先得，真係無得咁上下手藝都做唔到呀！原來做個模係有它的原因架！
食譜要買書參考啦！
整得真係同JENNY COOKIES一樣呀!! 真係叻叻叻呀!! 睇見都好想食呀
回覆刪除[版主回覆11/07/2007 17:07:00]真係....
以後唔使買來食囉....
效果好好呀﹗呢期大熱呀﹗不過我都未食過。
回覆刪除[版主回覆11/07/2007 17:07:00]我都係食過catfood個d咋,出面有名個d都無食過....
但都真係唔難做,而且重好好味架....係要時間囉,如果快,可用現成餡呀!!
我上星期六都整左, 真係唔好睇少, 我即使有個模都搞左成晚, d 餡最費工夫lor, 我買左一個菠蘿, 炒完原來好少, 加了100g現成的鳳梨餡, 都做左50粒, 第二日我同老公一口氣已經食左三份二, 留返d俾媽媽. 真係好好味, 停唔到口!!!!真係好想有時間, 一定要大量制作, haha
回覆刪除[版主回覆11/07/2007 17:06:00]好想見下你個款係點呀!!你個blog有無分享呀!!好看了好似無呀!!
d餡係最多時間,去皮重要刨絲,重要炒添,但平想像中快了,一個真係好少,要加多一罐鳳梨先足夠架,其實可以两罐都無問題架.
一同老公一齊食咁多,真係好.......好多糖喎!!!
肥仔啦咁次......
Yeah, nice nice!
回覆刪除[版主回覆11/07/2007 17:13:00]多謝...
有你呢個師父教路係得架.....
好勁呀！你地係唔係痴架！~~~~~~
回覆刪除[版主回覆11/07/2007 16:57:00]痴都有條路架.....
痴得幾可愛呀!!
痴都幾好呀!!
唔使諗咁多嘢.....
嘩!你真的可以開班授徒呀!前幾日我跟你的芝士蛋糕配方來焗,很軟很正,老公仔的老友都很喜歡....!謝謝你!常分享你的成果............
回覆刪除[版主回覆11/12/2007 10:55:00]哈....邊有咁叻呀!!過奬啦!!!
係呀!!你個芝士餅有無放上來呀!!
我入去見唔到架....
你學而至用真係好,我都好希望個個都做到好食的餅架...
嘩!..仲係用新鮮菠蘿!....勁!
回覆刪除[版主回覆11/12/2007 10:56:00]係呀!!
炒c人啦!!!
好靚呀！完到己經好想食，Yummy Yummy！
回覆刪除[版主回覆11/12/2007 10:56:00]請你呀!!!
喂,, 你去二記買D唧袋襟用好多架,,,唧極都唔會爛架!!
回覆刪除好正呀~!!
我返黎HK係咪有得食架??
但我想問,, 個菠蘿點拆開... 我成日都有呢個疑問,,所以一見到要用新鮮菠蘿整既野, 我就會卻步!
[版主回覆11/12/2007 11:07:00]我個個都而且好好架啦!!
重要係成$1個架....
你返來一定請你食.....幾時呀!!
個鳳梨好容易開架...
首先...
將頭尾切去,將它企身,用刀去皮,但不要太深,但會有釘留下的,再用尖的工具去釘,或用刀由頭開始用纙璇型咁介的方法去釘,再切件用鹽水浸一浸就食得啦!!
我都好想試吓整呀！嘩！但係對我呢啲初哥來講，呢個食譜真係好考人手工喎！我諗等我學識焗蛋糕，先至好諗啦！遲啲先至再跟你學整呢個！
回覆刪除[版主回覆11/12/2007 11:08:00]唔緊要啦!!慢慢學呀!!
我初時學都好c架咋....
呢排咁多blog友整鳯梨酥,連查查都有整呀! 你哋整得好靚呀!
回覆刪除[版主回覆11/12/2007 11:09:00]係呀!!都唔係好知添....
我都想做好耐架啦!!!
快啲快啲，攞咗個模，快啲整俾我食！
回覆刪除[版主回覆11/12/2007 11:09:00]整咗啦!!
多謝你個模呀!!
一定請你食架.....
我都想食
回覆刪除[版主回覆11/12/2007 11:10:00]下次一定拿比你呀!!
我都諗過用呢個唧咀呀 ~~不過被煮菠蘿功夫嚇怕 ,
回覆刪除你做得好好呀
[版主回覆11/12/2007 11:10:00]呢個都可以架...但就唧得好辛苦呀!!
好得呀~連鳳梨酥都識整, 好厲害!
回覆刪除[版主回覆11/12/2007 11:10:00]唔好咁講啦!!真過奬.....
Hi....初嚟報到,打個招呼先
回覆刪除我之前都試過整,我用整曲奇嘅唧槍都唧唔到,一件都無 ,妳用唧袋可以有整成品都以經好叻 ,我都仲未的起心肝再戰菠蘿卷
[版主回覆11/12/2007 11:12:00]你好呀!多謝你留言呀!!
如果你有呢個模,一定好快手呀!!'
唧咀都得,但就要好快手,唔好用膠個d唧袋,一定要用布個重會好d呀!
都幾好玩喎, 這份量可整多小個呀?
回覆刪除[版主回覆11/12/2007 11:13:00]如果餡就可以整40粒....
皮都係呀!!(全份喎!)
嘩 ~ 一啖一粒好正呀 !!! 甜唔甜呀 ? 好想食嚕
回覆刪除[版主回覆11/12/2007 11:13:00]甜了少少,所以下次炒鳳梨時可以不落糖呀!
可唔可以唧完先雪呢??? 然後先卷,
回覆刪除[版主回覆11/12/2007 11:14:00]唔係架....
會散晒卷唔到加啦!!!
嘩.. 你整得好好呀. 攪到我好想試整. 等我搵日得閒開下工先.... 不過有事想請教. 我想問... 完成後係唔係好似cookie 咁入盒就可以呢? and 大約可以keep 幾耐呀? thanks you. 太多問題了.
回覆刪除[版主回覆11/12/2007 11:15:00]你都嘗試下啦!!
好容易,但要花點時間呀!!
焙完放涼入盒保持脆口,但要小心,好容易散的,可以保持3日啦!!因會好快琳呀!
菠蘿卷依排大熱，攪到我好想整呀，但做餡料有啲唔明就唔敢整住，真係好多謝你講解得咁仔細呀! 不過都要買到個模先得。Thank you so much much!
回覆刪除[版主回覆11/12/2007 11:17:00]整呀!!整呀!!
一d都唔係好難呀!!個模响朝日有呀!!不過好似要訂貨呀!!
有8粒剩呀！Haha！~~~~~~~~~~~~~ 食左啦！菠蘿餡勁好味！~~~~~~~~~
回覆刪除[版主回覆11/12/2007 11:17:00]只有8粒,我整成20粒喎!!
重未計個3粒波波呀!!
真係好好心機......
回覆刪除[版主回覆11/12/2007 11:17:00]哈.....多謝你呀!!
真係食心機!
回覆刪除[版主回覆11/12/2007 11:18:00]咩都要嘗試下嗎....
食味同口感似唔似? 上次上堂學既鳳梨酥完全唔似台灣o個d= =
回覆刪除[版主回覆11/12/2007 11:54:00]因個餡料係新鮮架...所以好好味...
我又真係無食過正宗的鳳梨酥呀!!
犀利喎~ 簡直拍得住 Jenny Bakery個d
回覆刪除[版主回覆11/12/2007 11:54:00]邊有人家咁正呀!!
我整得唔係好靚呀!!
原來你都整左,我也整左呀,皮用mommy dearest果個，我也見過你呢個食譜，味道唔食有無唔同呢。
回覆刪除我也是買了地滿菠蘿 +罐頭，但下次我都係全部用晒新鮮菠蘿，加三温糖煮好好味呀
你整得好靚呀
[版主回覆11/12/2007 11:56:00]两者....
mommy dearest個食譜會散d鬆d,無芝士味....
而呢款就有芝士味,濕d,容易唧d,無咁散....
两者都好味....
好勁丫 ~~ 我都好想試下潻 ^^
回覆刪除[版主回覆11/12/2007 11:57:00]你都嘗試下,好好味架....
整得好靚呀
回覆刪除[版主回覆11/12/2007 11:57:00]你過奬...
都係有你教路咋.....
yo.......如果我在apm的日子, 我就可以成日date你同cindy食飯和享受你的鳳梨卷啦
回覆刪除[版主回覆11/12/2007 11:57:00]你想食,點都送來比你啦!!
嘩..炒成個鐘呀...真係手都攰埋呢...我上星期整意大利飯都係攪咗40分鐘到已經手仔軟喇...你好好手力呀... ...不過成品好食就乜都抵番晒啦...
回覆刪除[版主回覆11/12/2007 11:58:00]是最後要看火,小心焦呀!!
但都好容易咋....
你都好另喎!!意大利飯你都識,我就唔識啦!
你啱啱病好，又顧住整嘢食！
回覆刪除不過又整得幾好喎！
[版主回覆11/12/2007 11:59:00]係呀!!
忍唔到手呀!!
好大工程呀
回覆刪除[版主回覆11/12/2007 11:59:00]一點點啦!!
都好容易架....
真係犀利， 鳳梨酥都識整 ！又引死人喇！
回覆刪除[版主回覆11/12/2007 11:59:00]唔好咁講啦!!!
都係收集咁多師父的心得咋....
咁同上次catfood o個款餡邊種好味d? 或者有咩唔同?
回覆刪除[版主回覆11/12/2007 22:31:00]呢個係新鮮餡料,好有鮮味,好有鴟鳳梨味....好好食...
而catfood個款唔知係咪用現成的餡料,所以無咩鮮味.
但我已經覺得佢o個個好好味, 可能食開台灣o個d都係咁既味:p 所以覺得好對路~反而上次上堂用新鮮菠蘿整o個d唔係好似樣咁…
回覆刪除[版主回覆11/13/2007 09:38:00]我都食過台灣一件件正方型個啲鳳梨酥,都好好味.
但今次呢款係新鮮的,好大分別,我覺得新鮮有鳳梨味,而現成的餡就好有口感,相對來講,两者都好大分別,但如果比我選舉,我會食新鮮的....真係好鮮味呀!
你版頭d玫瑰係咪結婚o個時既花? 我04年畢業既玫瑰都仲o係度^^
回覆刪除[版主回覆11/13/2007 09:41:00]哈....唔係結婚呀!我無結婚咁耐,因呢幾朵迷你乾花係1992年第一年拍拖時男朋友(現任老公)送的,而且重係我們的初戀,好有紀念價值的.數數手指都成15年啦!!幾長壽......哈....
勁呀~~我拍拖既第一束花都o係度~4年幾~^^
回覆刪除[版主回覆11/13/2007 12:21:00]你都好諗舊喎!!同我一樣呀!有時諗,時間真係好快過,咁就咁多年啦!等一點回憶是一件美事呀!希望你呢束花都能長留到永恆啦!
很美味的鳳梨卷~
回覆刪除請問你講的模是怎樣的?是用來整鳳梨卷皮,唔使自己唧皮
[版主回覆11/13/2007 14:49:00]係呀!
你看鳳梨波波個篇分享呀!
有得看架.....
好多塵…點搞…
回覆刪除[版主回覆11/14/2007 09:53:00]我家無咁多塵呀????
應該好容易整喎!!
你想問咩呀!!有咩可以幫到你呀!
d乾花鋪晒塵…
回覆刪除[版主回覆11/19/2007 11:11:00]哦....原來係乾花....
唔....你可以找一個擦,擦走d塵,應該得架,之後就找個袋包着咪無事囉,你快d整啦!如果唔係放唔到幾耐呀!
用膠袋包住D乾花…咪唔靚囉…
回覆刪除[版主回覆11/21/2007 09:36:00]你可用透明袋,或放响飾物櫃內保傳呀!