Hallelujah @YY Cake Blog

星期六, 8月 04, 2007

牛一啦!!!!

TO ME

星期五, 8月 03, 2007

8月生日大晒冷鐵定篇

圖片是在網上尋找亦為原創者所有，若誤觸版權，請通知移除。

各位：

其實我都好想大家都能出席

但又不是個個blog友都就到時間

因日子將近，都要決定日期了

我大擔為您們決定以下日子

日期：09/8(四)晚上

時間：晚上7：00(訂位)

地址： Charlie Brown Cafe (查理布朗咖啡專門店)

地址 : 尖沙咀金馬倫道58-60號國鈀大廈地下及1樓
電話 : 2366-6315
菜式 : 西式

FUNPUCCA 介紹的：呢間我去過一次，閒日唔多人，坐位幾舒服，食物有意粉,三文治,沙律，約10款蛋糕！

yy cale：我諗坐得舒服，食物ok都可以啦！

食評:http://www.openrice.com/big5/sr2.htm?shopid=16427

出席名單有您：

柏琪、、堯堯(from傻媽) 、FUNPUCCA 、 Mui家姐、何師奶、

爆炸魔女(係個仔改）、cream、♡♡Katherine♡♡ 、 sweet Irene、 (Cindy)

如有blog友都想來，都可繼續報名架！

各位

你們不如留下電話比我，方便聯絡呀！

你們可用私人留言(不要公開)，

我收到後致電比你哋聯絡及落實呀!!!

為您而做☆古典朱古力蛋糕 Classic Chocolate Gateau ☆

一早都想約你慶祝生日，因你同我的生日都係相差一天，算是特別的日子，但見你身體需要休息，亦因你太多的聚會了，所以遲遲未約，但見你又精神些，不如就下你，去你家附近好了，只是想給你一點心意。但後來我們都能相餐幾小時。

這個蛋糕是特別為您而做的，知你最喜歡朱古力，而某天看到Angel做了這個蛋糕，我諗一定合你心意了，所以跟來做一次，但當然無Angel的靚，亦沒有收腰，點解呢？今天見到Angel，一定要問問她呀！

溫馨提示

1. 蛋白加入小許鹽，會更容易打起泡。

2. 焗好後，如果用竹籤插入蛋糕會有小許蛋糕碎留在竹籤上；如果沒有蛋糕碎留在竹籤上即表示焗得過乾了。

3. 蛋糕完成後，灑上防潮糖霜。

☆古典朱古力蛋糕 Classic Chocolate Gateau ☆

食譜: size: 6吋

朱古力55% 5g

牛油 54g

麵粉 4g

可可粉 21g

蛋白 125g

蛋黃 35g

砂糖 45g

鹽小許

步驟：

1. 先將焗爐預熱170c；

2. 餅模掃牛油及灑上麵粉；

3. 可可粉 & 麵粉過篩；

4. 隔水座溶朱古力及牛油；

5. 將蛋黃撥勻；

6. 將蛋黃加入朱古力牛油溶液內拌勻；

7. 蛋白加鹽打起泡，再分2-3次加入砂糖打至企身；

8. 將6小許朱古力糊加入7；fold in後；

9. 再篩入朱古力麵粉，用Fold in手法拌勻；

10. 再加入餘有的朱古力糊用Fold in手法拌勻，小心蛋白泡泡流走，

11. 放入餅模內；

12. 用170c 焗40分鐘。

星期三, 8月 01, 2007

下午茶當午飯

某日，我想應該是21/7的下午呀！

放工但又未食午餐，call老公食唔食下午茶呀！

他又話食咗個麵，所以唔食啦！

諗着一個人，食咩嘢好呢？

行到呢間甜品店，新開到現在都未幫襯過，食個甜品好喎！

又再call老公，食唔食甜品呀！

心諗！

你都係唔食架啦，平時都唔係幾鐘意食！

點知你又話好喎！

家裡好熱呀！

落呢飲杯凍嘢都好喎！

就係咁，食左一d平時都食的小食，

飲咗一杯平時都會飲的飲品。

但都好平喎！多謝$50呀！

原來你在家收拾魚缸，還已搬了落垃圾桶了，

我問，

咁d魚呢？

放咗落厠所，有無過份d呀！

有生命架……………

就係咁，

最後一面都見唔到啦！………………………

因家中有两個魚缸，一個係嚴重森林，

一個就只有3條中型魚，

老公話等佢哋死都幾難，咁幾時先清理呢個魚缸呀！

成日都係咁講，但又無諗過可以將d魚送比有心人，

你咁做，咪等如做咗殺手囉。

點知第二個星期六又將個嚴重森林摌咗，

只得返幾條草毛，

連最後個森林都無影相，

呢個嚴重森林都養咗幾年啦！

~~牛肉~~

~~潮州粉果~~

~~雞翼~~

~~西瓜汁~~

~~番石榴汁~~

星期二, 7月 31, 2007

小豆苗生日會

上次21/7小豆苗生日會，未見主人家post出來，

唔係幾好意思快人一步呀！但見小豆苗已出了，自己當然快快手出啦！

那天真係好開心，因個場地亦是子曦開一歲生日會的場地，好有親切感呀！

小豆苗媽為了小豆苗請了幾日假，又出海報、又做了小豆苗成長篇的相片圖，

又做蛋糕，又預備小食，係大食先啱，真係好好味呀！

而且還有回禮添，你看，好多禮物呀！

個紙袋又靚，真係唔舒得用添。

你看，呢個蛋糕我有份做架。

未開party靜雞雞去廚房雪箱看看我有份做的小豆苗生日蛋糕先

….嘩….經小豆苗媽加工，果然好靚喎！

子曦當然永不放過任何玩具啦！

包括玩具場地呀！

玩到真係唔想走呀！

呢份禮物係我哋送比小豆苗作為生日禮物，

但子曦見過又想玩，

現在送了出去都不忘手多多呀！

幾多小朋友，真係小朋友多過大人呀！

子曦你唔好“哈”妹妹喎！

好多嘢食呀！

當然不小得小豆苗一歲生日蛋糕啦！

好有心思的回禮禮物呀！

星期一, 7月 30, 2007

8月生日大晒冷連續篇

圖片是在網上尋找亦為原創者所有，若誤觸版權，請通知移除。

~~8月生日大晒冷~~

上次有多多多位BLOG友都係8月生日，

亦想出來大家互數歲數

及一齊慶祝下又大一歲啦！

不如再問下你哋，有沒有人想應約呢？

有興趣出來的有你：柏琪、陳小姐、 Mui家姐、何師奶、

爆炸魔女(係個仔改）、小琪、 FUNPUCCA 、cream、堯堯(from傻媽)

會考慮出來的有你： little four、 Cindy

重有無呀！

係咪架………

出唔出呢架………

比個日子好喎…

不如選個日子呀！

請各位選擇一下呀！

時間：

a. 星期一至五 (晚上)

何師奶、cream、堯堯(from傻媽)、柏琪、小琪、FUNPUCCA

b. 星期六或日(下午或晚上)

堯堯(from傻媽)、

c. 其他

地點：

d. 尖沙咀(油尖旺)

FUNPUCCA

e. 觀塘源線

f. 其他

各位：

如果我大擔決定以下日子，你哋會選那日呢？

第一選擇：09/8(四)晚上(呢日最好)

晚上6：00-7：00到

第二選擇：14/8(二)晚上6：00-7：00到

地點：

有無人有好介紹呀！

我想到頭到大晒都諗唔到呀！

好耐無見!?!?

昨晚到了子曦表姐家玩，當然已有一星期無見啦！原先日日見面，現在表姐家裡請了工人，不用到奶奶到了，所以两小表姊弟從些就會越來越少見面，而小表姊知道表弟會來她家玩，立時跳起，開心到飛起呀！而且奶奶亦想見下個工人姐姐，奶奶都是掛住表姊仔啦！

子曦去到表姊家，第一時間就入房玩。無見咁耐，她們都好開心呀！

今餐是菇丈約了一位舊同學及家人一齊食飯，他兒子從外國回來放假，見下面之餘，順道請他食一餐，而這餐是在會所食的一餐私仿菜，都幾多人食喎！亦不錯的潮州食物呀！但最唔好的，是要每一個人頭計，每人要$128，大細同價，最初訂位時，講明有一位2歲小朋友，是不用收錢的，但收錢時連2歲都要計，菇丈比錢都未發現，轉頭計下，點解收咁多呢？回頭理論後才叩回咋！

~~凍蟹~~

~~鹵水雙拼~~

~~花膠蒸墨魚肉~~

~~煮魚飯(係魚的一種)~~

~~雞(唔知點整)~~

~~素春卷~~

~~白飯魚抄蛋~~

還有两樣係抄菜芯及咸菜豬肚湯.......無靚相.....

~~綠豆爽~~

~~水晶包(有花生味、蓮溶味、奶皇味)~~

食過飯後，又到會所玩，子曦好好笑，見到會所有輛車仔，幫他除鞋時，他不停釘着那部車，而且話“除鞋”“除襪” “除鞋”“除襪”還坐在我大比上時，“key”咗一聲，笑咗出來，他好興奮，而且好渴望立刻玩那部車呀！我問他，係咪好開心呀！他講“係”呀！立時已經跳起去取那部車玩啦！

你看，子曦玩到不離“pat pat”呀！

特價品!!!!

呢两日都不停行街，週六到了香港區置地Three sixty，想看看這間專賣有機產品的店呢？不算太大，但就又好多選舉，本來想買一支“香蘭子精華液”，但可能已無貨了，所以沒有選購已經走了，再去銅鑼灣city super看看賣蛋糕用品，看看有沒有“香蘭子精華液”，原來都有幾種選舉喎，由$110-185都有，當然質數有唔到，但我都沒有買到，因實在未用到，而且不知何種是最好或怎用呢？但就買到特價嘢！

以下是半價買到的“心型”焙杯呀！原本是$36一個，現在只是$18，亦發現有不是蛋糕用品有特價呀！大家不妨去看看呀！

亦買了上次用來做凍餅的天然果汁，好有果味，亦是天然，而且又健康，除了飲用外，做蛋糕凍餅亦好好味架。每包：$16.5，現在推廣價$15。